ما أبيك

http://www.zshare.net/audio/9122357bffd32e/

17 مارس 2008

لا هربت من اتصال
ولا غيرت أرقامي
قلتها لك صريحة .. ما أبيك

تلاحقني مثل ظلي
تطوقني
تخنقني
ولامن طفت السما قنديلها
طلعت كابوس بأحلامي

قلتها لك صريحة ما أبيك

**

هذاك أول لا قلت "توتا"
قلت لبيه يا عين أبوي وأمي
جيتك أسابق الريح خطواتي
جيتك لهفة
جيتك شوق
عيني ما كانت تشوف إلا أنت
لكن خلاص ،، هنت علي يوم أنا عليك هنت
خلني بحالي ،، ما عاد أبيك
وبزيدك من الشعر بيت
حياتي بدونك أحلى

**

أبكتب على حيطان الزمن
أبصرخ بوجه الكون
نسيتك
قتلت فيني اللهفة
قتلت الشوق
قتلت حتى الآه من صوتي
ما عدت أشوفك غير غريق متعلق بقشة
حط ببالك ماني هالقشة

**

وين الوعد يوم قلتي
ما أتركك غير محمولة على نعشي
ليه الغرور؟
تقول مغرورة ،، إيه مغرورة
فكني وش تبي فيني
وحشتيني ،، وحشني صوتك
لا قلتي "حبيبي"
تذكرين
لا تغيبتي عن مدرستك لأجل شوفي
لجل أهتك شفتك العذرى
وأقرض خدودك الحمرى
وأغمس خشمي بين نهودك
أشم عطرك
وأتوسد التفاح
ودقات قلبك تلعب بي
ويرتجف صوتك
بسرعة روح قبل تجي أمي
أحبك والله أحبك
عاجبك حالي
تغيرتي

**

عيني اللي كانت ما تشوف إلا أنت
تصرخ ما أبيك
خلني بحالي نسيتك

**

قولي أحبك
ما أحبك
تكذبين
وليه تبكين؟
أبكي على نفسي
كفكفي دموعك
تحبني
لا ما أحبك ولا أبيك
ما أسألك؟
أسأل قلبك
يا قلبها خبرني؟
وش حالها من بعدي؟
يا قلبها هي بعدها تحبني؟

ما تحبك ..
إلا تهيم فيك

**